មួយណាល្អជាង? ទិញផ្ទះក្នុងពេលគម្រោងកំពុងសាងសង់ ឬគួរទិញបន្ត?

ការសម្រេចចិត្តទិញផ្ទះត្រូវបានចាត់ទុកថាជាការសម្រេចចិត្តមួយដ៏ធំធេងសម្រាប់មនុស្សម្នាក់ៗ។ ដូច្នេះយើងត្រូវការគិតគូរឲ្យបានល្អិតល្អន់ជាមុនសិនមុននឹងធ្វើការសម្រេចចិត្តដ៏សំខាន់មួយនេះ។ ជាពិសេស អ្នកដែលមិនធ្លាប់មានបទពិសោធន៍ទិញផ្ទះកន្លងមក ពោលគឺបទពិសោធន៍ថ្មីថ្មោងក្នុងការទិញដើម្បីស្នាក់នៅ ឬវិនិយោគ គួរធ្វើការត្រិះរិះពិចារណា និងស្វែងយល់ពីហេតុផលមួយចំនួនសិន ដើម្បីចៀសវាងការខាតបង់ និងវិប្បដិសារីនៅថ្ងៃក្រោយ។

មុននឹងធ្វើការថ្លឹងថ្លែងថាតើ អ្នកគួរសម្រេចចិត្តទិញផ្ទះកំឡុងពេលគម្រោងកំពុងសាងសង់ឬគួរទិញបន្តពីម្ចាស់ផ្ទះមួយទៀត មកស្វែងយល់ឲ្យកាន់តែសុីជម្រៅពីភាពខុសគ្នារវាងការទិញផ្ទះកំឡុងពេលគម្រោងកំពុងសាងសង់ និងការទិញផ្ទះតពីម្ចាស់មួយទៀតជាមុនសិន។ ការទិញអចលនទ្រព្យដូចជាផ្ទះ ឬខុនដូក្នុងដំណាក់កាលគម្រោងកំពុងសាងសង់នោះមានន័យថា អ្នកធ្វើការទិញពីអ្នកអភិវឌ្ឍន៍ឬម្ចាស់គម្រោងផ្ទាល់តែម្ដង ប៉ុន្តែអ្នកមិនទាន់អាចរើឥវ៉ាន់ចូលទៅនៅបានភ្លាមៗនោះទេ ដោយគម្រោងនីមួយៗអាចចំណាយពេលពី២-៥ឆ្នាំដើម្បីបញ្ចប់ដំណើរការសាងសង់។ ដោយឡែក សម្រាប់ការទិញផ្ទះឬខុនដូដែលដាក់លក់ឡើងវិញ មានន័យថាអ្នកធ្វើការទិញបន្តពីម្ចាស់ដែលមានគេហដ្ឋានសាងសង់រួចជាស្រេច ហើយធ្លាប់បានរស់នៅផ្ទះនោះកន្លងរួចមកហើយ។

ខាងក្រោមនេះជាមូលហេតុមួយចំនួន ដែលអ្នកគួរយកមកថ្លឹងថ្លែង មុននឹងធ្វើការសម្រេចចិត្ត។